Lögreglumaðurinn. Efnisskrá 1981-1992

Abstract

Verkefni þetta inniheldur lyklaðar bókfræðifærslur úr félagsblaðinu Lögreglumaðurinn sem Landssamband lögreglumanna gefur út og nær yfir árin 1981 til og með 1992, en útgáfa lá niðri frá árinu 1984-1987. Tilgangurinn með skránni er að auðvelda aðgang að efni blaðsins. Lögreglumenn og þeir sem hafa áhuga á starfs- og stéttarfélagsmálum Landssambands lögreglumanna geta því kynnt sér efni blaðsins á sem auðveldastan hátt. Allar greinar á þessu tímabili eru bókfræðilega skráðar, lyklaðar og gefin efnisorð. Í innganginum kemur fram hvernig verkefnið var unnið og umfang þess. Fjallað er stuttlega um félagsblaðið, sögu íslenskra lögreglumanna á Íslandi og Landssamband lögreglumanna. Í uppbyggingu og gerð skrárinnar eru að finna ítarlegar leiðbeiningar um notkun hennar og dæmi um útlit færslu. Öll þau hjálpargögn sem notuð voru við gerð verkefnisins er að finna í heimildaskránni. Skrárnar eru þrjár: aðalskrá, höfundaskrá og efnisorðaskrá. Í aðalskránni er að finna bókfræðilegar færslur um hverja grein, þar kemur fram: færslunúmer, nafn höfundar, titill greinarinnar, undirtitill (ef hann er til staðar), blaðsíðutal og lýsandi efnisorð um innihald greinarinnar. Í skránni er hvert tölublað tekið fyrir sig og í réttri tímaröð, það er að segja að elsta tölublaðið er fyrst og greinarnar í þeirri röð sem þær koma fyrir í tölublaðinu. Í höfundaskrá eru nöfn allra höfunda og ábyrgðaraðila greinanna sem eru að finna í aðalskránni og er þeim raðað í stafrófsröð. Efnisorðaskráin inniheldur öll efnisorðin sem notuð voru í aðalskránni og eru þau í stafrófsröð.