Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/627
Verkefni þetta er unnið sem lokaverkefni til B.Ed prófs við kennaradeild Háskólans á
Akureyri. Verkefnið er tvískipt; annars vegar fræðileg ritgerð og hins vegar
geisladiskur sem inniheldur 10 hugmyndir að útfærslu á heimanámi á vef.
Ætlunin með ritgerðinni er að skoða hvort heimanám á vef sé raunhæfur
möguleiki. Þá er mikilvægt að kanna tengda þætti, til dæmis hverjar helstu stefnur
stjórnvalda varðandi upplýsingatækni eru, hvernig tölfræðin snýr að tölvueign
landsmanna og hverjir helstu kostir og gallar tölvu og nets eru. Upplýsingalæsi skiptir
hvern þann sem notast við tölvu miklu máli og því er tilefni til að staldra við og skoða
það nánar. Farið er yfir þá möguleika sem tölvan býður upp á í kennslu og heimanámi
auk þess sem markmið Aðalnámskrár eru skoðuð og fjallað er um heimanám og þær
misjöfnu skoðanir sem eru uppi um það. Einnig er fjallað um heimanám á vef. Þær
hugmyndir sem er að finna á meðfylgjandi geisladisk eru útskýrðar og stutt samantekt
er svo á efni kaflanna. Ritgerðinni lýkur svo með lokaorðum.
Heimanám á vef er raunhæf leið fyrir grunnskóla til að auka fjölbreytni
heimanáms, auðvelda aðgengi að því og þar með færa það nær nútímanum, tækninni
og því upplýsingasamfélagi sem nemendur þekkja og búa í.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaritgerð.pdf | 1.27 MB | Takmarkaður | Tímarnir breytast - heild | ||
Efnisyfirlit.pdf | 36.25 kB | Opinn | Tímarnir breytast - efnisyfirlit | Skoða/Opna | |
Heimildaskrá.pdf | 87.81 kB | Opinn | Tímarnir breytast - heimildaskrá | Skoða/Opna | |
Útdráttur.pdf | 39.45 kB | Opinn | Tímarnir breytast - útdráttur | Skoða/Opna |