en English is Íslenska

Thesis University of Iceland > Menntavísindasvið > B.A./B.Ed./B.S. verkefni - Menntavísindasvið >

Please use this identifier to cite or link to this item: http://hdl.handle.net/1946/631

Title: 
  • Title is in Icelandic Mannrækt - trjárækt
Abstract: 
  • Abstract is in Icelandic

    Markmiðið með þessari greinargerð er að kynna fyrir starfsfólki á leikskólum hvernig samstarf aldraðra og leikskólabarna getur þróast og vaxið báðum hópunum til yndis og ánægju. Við athugun kom í ljós að samstarf þessara aldurshópa er afar sjaldgæft hér á landi.
    Verkefnið lýsir niðurstöðum könnunar sem gerð var í þeim tilgangi að varpa ljósi á hvort samvinna barna og aldraðra væri til staðar í Reykjavík og Hveragerði.
    Áhersla var lögð á að skoða þróunarverkefnið Mannrækt – Trjárækt sem er samstarfsverkefni leikskólabarna í leikskólanum Hraunborg og Félagsstarfs
    Gerðubergs í Breiðholti, Garðyrkjufélags Íslands, Orkuveitu Reykjavíkur og Garðyrkjudeildar Reykjavíkurborgar.
    Mörg samtöl voru við forstöðumann Félagsstarfs Gerðubergs, Guðrúnu Jónsdóttur og leikskólastjóra Hraunborgar, Sigurborgu Sveinbjörnsdóttur. Án þeirra væri þetta verkefni ekki til.
    Leitað var til fagaðila á leikskólasviði, starfsfólks í félagsmiðstöðvum aldraðra og nokkurra aldraðra einstaklinga til að kanna viðhorf þeirra og skoðanir á samstarfi ungra og aldinna og hvaða tækifæri og takmarkanir það hefði í för með sér að taka upp sambærilegt samstarf í víðara samhengi.
    Nokkur dæmi eru um það hvernig samstarf leikskólabarna og aldraðra getur þróast og dafnað hlutaðeigendum til gleði og þroska. Dýrmæt þekking og reynsla er orðin til við þessa samvinnu sem vert er að koma á framfæri öðrum til umhugsunar og eftirbreytni.
    Tilgangur verkefnisins Mannrækt – Trjárækt er að brúa kynslóðabilið milli þessara tveggja hópa og hefur það náðst að mati skýrsluhöfundar. Það mætti nýta þessa þekkingu og reynslu til að efla og þróa ný sjónarmið með það að markmiði að eldra fólk miðli til þeirra yngstu, báðum aldurshópunum til hagsbóta

Accepted: 
  • Aug 27, 2007
URI: 
  • http://hdl.handle.net/1946/631


Files in This Item:
Filename Size VisibilityDescriptionFormat 
Mannrækt - Trjárækt - glærur.pdf1.27 MBOpenglærurPDFView/Open
Mannrækt - Trjárækt - greinargerð.pdf138.64 kBOpenGreinargerðPDFView/Open