en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/638

Title: 
  • Title is in Icelandic Upphaf leikskólagöngu barna : geðtengsl, aðlögun og foreldrasamstarf
Abstract: 
  • Abstract is in Icelandic

    Í þessari ritgerð er fjallað um upphaf leikskólagöngu barna. Gengið er út frá
    rannsóknarspurningunni: Á hverju byggist upphaf leikskólagöngu barna? Ritgerðinni er skipt
    í þrjá aðalkafla, geðtengsl, aðlögun og foreldrasamstarf. Í hverjum kafla er fjallað fræðilega
    um hvert atriði fyrir sig, kenningar fræðimanna og niðurstöður rannsókna sem gerðar hafa
    verið koma fram. Í kaflanum um geðtengsl kemur fram mikilvægi geðtengsla myndunar fyrir
    barn sem er að hefja leikskólagöngu og hvernig geðtengsl foreldra við barn sitt geta haft áhrif
    á myndun geðtengsla hjá barninu í leikskólanum. Í kaflanum um aðlögun er gerð grein fyrir
    aðlögunarferlinu, einnig tekið fyrir vandamál sem geta komið upp og aðlögun barna með
    sérþarfir fær sérstaka umfjöllun. Að lokum er kaflinn um foreldrasamstarf. Þar kemur fram
    mikilvægi foreldrasamstarfs á leikskóla og hversu nauðsynlegt það er að hafa foreldra vel
    upplýsta um starf og getu barnsins í leikskólanum. Foreldrasamstarf við foreldra fatlaðra
    barna og foreldra af erlendum uppruna er sérstaklega tekið fyrir. Aðalheimildirnar eru
    fræðibækur leikskólakennarans. Til viðbótar leitaði ég víða fanga og reyndi að nálgast efnið
    frá sem flestum hliðum. Niðurstaða mín var sú að ef leikskólinn vinnur skipulega að því að
    efla örugg geðtengsl, setur sér ákveðnar reglur um aðlögunarferlið og leggur áherslu á mikið
    og vel undirbúið samstarf við foreldra, leggur hann góðan grunn að því að nám barnsins verði
    árangursríkt og þroski þess eðlilegur.

Accepted: 
  • Jan 1, 2007
URI: 
  • http://hdl.handle.net/1946/638


Files in This Item:
Filename Size VisibilityDescriptionFormat 
Upphaf leikskolagongu barna.pdf322.32 kBOpenUpphaf leik - heildPDFView/Open