en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/639

Title: 
  • Title is in Icelandic AMO og leikskólinn
Abstract: 
  • Abstract is in Icelandic

    Á síðustu áratugum hafa orðið miklar breytingar hvað uppeldi og kennslu barna með
    sérþarfir varðar. Samkvæmt lögum eiga öll börn jafnan rétt á að vera í leikskóla sama
    hvort þau eiga við sérþarfir að stríða eður ei. Áhugavert er að skoða hvernig kennslu
    barna með athyglisbrest með ofvirkni (AMO) er háttað innan leikskólans og hvernig
    þeirri hegðunarröskun er mætt inni á leikskólanum.
    Höfundur gerði tvíþætta könnun. Annars vegar var kannað hvernig
    foreldrum leikskólabarna með AMO finnst starfsfólk skólans bregðast við börnum
    þeirra fyrir og eftir greiningu og skoðað hvort foreldrum finnist þörfum sínum fyrir
    fræðslu og stuðning mætt eftir greiningu barnsins. Hins vegar var kannað hvort
    starfsfólki leikskóla finnist það fá nógan stuðning og fræðslu og hvernig því þætti
    samstarf heimilis og skóla ganga fyrir sig. Settar voru fram þrjár tilgátur fyrir hvora
    athugun. Í viðtölum við foreldra barna með AMO voru tilgáturnar þær að foreldrar fái
    þá fræðslu og stuðning sem þeir þurfa á leikskólanum; alls staðar er staðið jafn vel að
    sérkennslumálum í leikskólum Akureyrar; og foreldrar eru yfirleitt ánægðir með þá
    þjónustu sem þeir fá fyrir börnin sín. Í viðtölum við starfsfólk leikskóla voru
    tilgáturnar þær, að kennarar fái þann stuðning inni á deild sem þeir þurfa; kennarar fá
    þá fræðslu sem þeir þurfa frá ráðgjafar- og sálfræðiþjónustu; og samstarf heimilis og
    skóla gengur vel hjá foreldrum og kennurum barna með AMO. Í úrtakinu voru fimm
    foreldrar sem áttu börn með AMO á leikskólastigi og fimm kennarar sem kenndu
    börnum með AMO á leikskólastigi. Fyrri könnunin leiddi í ljós að fjórar af sex
    tilgátum stóðust en það má töluvert bæta í leikskólakerfinu til þess að þjónusta börn
    með AMO og foreldra þeirra betur.

Accepted: 
  • Jan 1, 2007
URI: 
  • URI is in Icelandic http://hdl.handle.net/1946/639


Files in This Item:
Filename Size VisibilityDescriptionFormat 
Amo_og_leikskolinn_lokaverkefni.pdf436.52 kBOpenAMO - heildPDFView/Open