Áherslubreytingar í stærðfræðikennslu barna á síðari hluta 20. aldar

Abstract

Verkefni þetta er unnið til B.Ed.-prófs í grunnskólakennarafræði á Menntavísindasviði Háskóla Íslands. Það fjallar um áherslubreytingar í stærðfræðikennslu barna á Íslandi á síðari hluta 20.aldar. Farið er yfir sögu stærðfræðináms og -kennslu á Íslandi á 20. öld og upphaf áherslubreytinga skoðað. Sagt er frá rannsóknum á stærðfræðinámi og –kennslu barna, sem leiðir til umfjöllunar um nýtt námsefni og hugmyndafræðina sem þar liggur að baki. Gerð var lítil rannsókn þar sem tekin voru viðtöl við þrjá kennara og það kannað hvort að þeir væru búnir að taka nýtt námsefni (Geisla) í sátt og taka upp kennslu samkvæmt nýjum áherslum. Á heildina litið eru kennararnir nokkuð ánægðir með Geisla en það er ekki þar með sagt að þeir séu búnir að taka upp nýja kennsluhætti. Kennararnir eru mislangt á veg komnir við að þróa kennsluhætti sína og meirihlutinn heldur enn fast í gömul gildi.