Heimsóknir í foreldrasamstarfi : Áhrif heimsókna inn heimili á foreldrasamstarf skóla og erlendra foreldra

Abstract

Markmið þessa verkefnis er að rannsaka í fræðilegum heimildum fjölmenningarfræðanna innan uppeldis- og menntavísinda það sem fram kemur um heimsóknir inn á heimili í samstarfi heimila og skóla. Spurt er hvaða áhrif heimsóknir inn á heimili hafi á foreldra, skóla og börn. Sérstaklega er litið til foreldrasamstarfs skóla og erlendra foreldra hvað þetta varðar. Leitað er helstu þátta sem nauðsynlegir þykja til að heimsóknir inn á heimili beri tilætlaðan árangur og þá er m.a. horft til þjálfunar og undirbúnings kennara. Dæmi eru tekin um verkefni og rannsóknir erlendis frá og hér á landi.