en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/644

Title: 
  • is Má ég sjá, má ég sjá? : myndskreytingar í íslenskum barnabókum
Abstract: 
  • is

    Markmið þessarar rannsóknarritgerðar er að sjá hvernig íslenskir myndskreytar og rithöfundar
    hafa tekist á við myndbókarformið. Þetta er smárannsókn. Lyklar Moibeusar eru notaðir sem
    viðmið í greiningu myndabókanna. Auk þess var stuðst við kafla úr bókinni Children’s
    Literature in the Elementary School. Myndabækurnar eru frá fyrri hluta síðustu aldar til
    dagsins í dag. Gagna var aflað með heimildum frá Amtsbókasafninu á Akureyri og bókasafni
    Háskólans á Akureyri.
    Í rannsókninni var skoðað samspil mynda og texta. Hönnun kápu og saurblaðs var
    skoðað með tilliti til innihalds bókar. Einnig var skoðað notkun lita, forma, ramma,
    sjónarhorns og andrúmslofts í myndskreytingum. Hvernig kynjahlutverk, kynþættir og aldur
    birtast í myndabókunum var þar að auki kannað. Í rannsókninni var auk þess litið til þess
    hvort myndskreytar hafa reynt að brjóta upp formið og forðast staðalímyndir. Allt ofangreint
    var kannað til hlítar í um 40 bókum.
    Niðurstöður gefa til kynna að íslenskir myndskreytar og rithöfundar hafa þróað tækni
    sína töluvert hin síðari ár. Þeir eru óhræddari við að nota óhefðbundnar aðferðir við
    myndskreytingu sína. Þeir eru farnir að nota blandaða tækni í auknu mæli. Flestir
    myndskreytanna hafa gott vald á uppbyggingu myndar. Þeir nýta sér form, liti, myndbyggingu
    og skapa viðeigandi andrúmsloft með myndskreytingum sínum. Gott samræmi er oftast á
    milli texta og mynda. Í flestum tilfellum forðast þeir að setja fram staðalímyndir og fastmótuð
    kynjahlutverk í bókum sínum. Þetta er þó ekki algilt. Einnig kom í ljós mikill munur á því
    hverjir myndskreyta myndabækur. Konur eru í miklum meirihluta, bæði hvað varðar texta og
    myndskreytingu. Karlar virðast oftar sjá um myndskreytingu en síður um texta. Fræðigreinar
    varðandi efnið eru einnig ritaðar nær eingöngu af konum.
    Niðurstöður má nýta til að opna umræðu um málefnið og átta sig á sérstöðu íslensku
    myndabókarinnar.

Accepted: 
  • Jan 1, 2007
URI: 
  • is http://hdl.handle.net/1946/644


Files in This Item:
Filename Size VisibilityDescriptionFormat 
Myndskreytingar í íslenskum barnabókum.pdf19.97 MBOpenMyndskreytingar - heildPDFView/Open