Að hefja sig til flugs : fræðileg umfjöllun og hagnýtar upplýsingar um textílmennt, ásamt rannsókn á saumavélakennslu í grunnskólum og námskveri í saumavélakennslu

Abstract

Rannsóknarritgerð þessi er 10 eininga lokaverkefni til fullnaðar B.Ed gráðu við Háskóla Íslands, Menntavísindasvið. Í rannsóknarritgerðinni verður fjallað um list- og verkgreinar. Til að þrengja og dýpka þekkingu okkar á tilteknu fagi, munum við beina sjónum okkar að einum þætti textílmennta, það er saumavélakennsla. Hvar, hver og hvernig eru hjálpargögnin sem textílkennarar nota til að hefja nemendur sína til flugs, við saumavélakennslu í grunnskólum. Til stuðnings við efnið gerðum við eigindlega rannsókn. Þar lögðum við fram staðlaðan viðtalsramma fyrir fimm starfandi textílkennara á höfuðborgasvæðinu þar sem við spurðum um kennsluhætti þeirra við saumavélakennslu. Niðurstöður rannsóknarinnar gáfu til kynna að þörf væri á náms og kennsluefni um þennan þátt. Til þess að mæta þeirri þörf sömdum við nemendamiðað námsefni í saumavélakennslu, handhæga og hnitmiðaða námsbók sem við kjósum að kalla hér námskver.Lykilorð: Saumavélakennsla, list og verkgreinar,