Búum til spil : spilagerð í samstarfi við nemendur

Abstract

Í þessari greinargerð er fjallað um spil og tilurð þess. Spilið var búið til í samstarfi við nemendur í 3. bekk í Háteigsskóla. Unnið var út frá hugmyndum nemendanna sem voru að mestu leyti um stærðfræði. Spil þetta er hægt að búa til í samvinnu með nemendum úr því sem til er í skólastofunni. Hugmyndin er sú að námið eigi sér stað þegar nemendurnir búa til spilið í samstarfi við kennara sinn og þegar þeir spila er það upprifjun á því námi. Farið er yfir allt ferlið, hvernig spilið þróaðist frá upphafi til enda. Spilið er tengt við fræðin og hefur kenningar John Dewey og Howard Gardners til hliðsjónar. Aðalnámskrá grunnskóla mótaði markmið spilsins.