Klifurþjálfun : handbók um líkamlega, andlega og tæknilega þjálfun

Abstract

Klifurhandbókin fjallar um klifurþjálfun. Andlegri, líkamlegri, og tæknilegri þjálfun eru gerð ýtarleg skil, fjallað er um skipulagningu einstaklingsmiðaðrar ársæfingaráætlunar, og útskýrð eru algeng hugtök sem mikilvægt er að hafa í huga við gerð æfingaráætlunar. Komið er með dæmi um æfingar sem henta hverju þjálfunarformi og að auki eru gefnar hugmyndir um samsetningu æfinga, mismunandi hugmyndir eftir getu klifrarans og eftir því hvar í þjálfunaráætluninni hann er staddur. Handbókinni er ætlað að auðvelda íslenskum klifrurum og þjálfurum að nálgast upplýsingar, á íslensku, um þjálfun klifuríþróttarinnar. Þannig verði þeir færir um að skipuleggja fjölbreytta æfingaráætlun með raunhæfum markmiðum um bætta klifurgetu.