Leikum og lærum : leikir fyrir samþættingu námsgreina á grunnskólastigi

Abstract

Þessi leikjabók er skrifuð sem lokaverkefni til B.Ed.-prófs við Háskóla Íslands af íþrótta-, tómstunda- og þroskaþjálfabraut. Lokaverkefnið samanstendur af leikjabók og greinargerð. Með leikjabókinni viljum við sýna fram á hversu mikilvæg kennsluaðferð leikir eru. Þeir bæði brjóta upp kennsluna auk þess sem öllum finnst gaman að leika sér. Leikur kallar fram gleði og góðan anda í hópnum og þjappar hópnum betur saman. Í greinagerðinni er komið inn á uppruna og hlutverk leikja, hvert sé félagslegt gildi leikja, hvernig leikur er séður frá ljósi sögunnar og sálkönnuða, hvernig leikir tengjast fjölgreindarkenningu Howards Gardners og að lokum hvernig aðalnámskrá leik- og grunnskóla fjalla um leiki. Bókinni er ætlað að virkja almenna kennara, íþróttakennara og leiðbeinendur til að vinna meira saman. Í sumum skólum á landinu hefur íþróttatímum verið fækkað og viljum við með þessari bók koma hreyfingu meira inn í bóklega tíma til þess að nemendur fái þá hreyfingu sem þeir þurfa að fá, í bland við bóklega kennslu.Lykilorð: Leikir, leikur og samþætting.