Hreyfingin skapar námsmanninn : áhrif íþróttaiðkunar á andlegan ávinning

Abstract

Sem lokaverkefni til BEd prófs frá Háskóla Íslands langaði okkur til að skoða tengsl íþróttaiðkunar unglinga við árangur þeirra í skóla. Einnig lék okkur forvitni á að vita hvort skipulögð íþróttavirkni hefði eitthvað að segja varðandi sjálfsmynd unglinga og andlega líðan þeirra. Ákveðið var að nota megindlega rannsóknaraðferð þar sem spurningalisti var lagður fyrir 227 nemendur í 7. bekk og 10. bekk þriggja skóla á höfuðborgarsvæðinu og einn utan höfuðborgarsvæðis. Val á skólunum var skv. hentugleikaúrtaki. Helstu niðurstöður voru þær að af 227 nemendum stunduðu 190 íþróttir utan skólatíma. Nemendur í 10. bekk stunduðu íþróttir oftar í viku en sjöundu bekkingar. Þegar hópurinn var spurður um ástæður íþróttaiðunar sinnar þá sögðu nemendur í 10. bekk það vera til að bæta líkamlegt atgervi sitt en nemendur í 7. bekk litu á þetta meira sem skemmtun og til heilsueflingar. Niðurstöðurnar gefa ákveðna vísbendingu um að þeir sem stunda íþróttir eru sáttari við líkamsástand sitt og þeim virðist líða almennt betur í skólanum. Að lokum kom í ljós að þeir sem stunda reglulega skipulagt íþróttastarf virðast ganga betur námslega og eru vissari um framtíðaráætlanir sínar.