Viðskiptaáætlun fyrir Nýskel ehf

Abstract

Kræklingarækt hefur aukist til muna á undanförnum árum hér á landi. Flest fyrirtækin eru í tilraunarækt og enn eru fyrirtækin að þróa búnað og tæki sem henta best til ræktunar. Nýskel er fyrirtæki staðsett á Tálknafirði og hefur nú þegar hafið tilraunarækt á kræklingi. Það tekur 27-32 mánuði að rækta söluhæfan krækling. Rannsóknir á svæðinu hafa leitt í ljós að aðstæður eru fyrir hendi til að framleiða það magn sem stefnt er að. Í ritgerð þessari er gerð viðskiptaáætlun fyrir Nýskel ehf. og leitast er eftir því hvort fyrirtækið eigi að halda áfram rekstri. Farið er yfir ferlið frá upphafi ræktunar til uppskeru og allan búnað sem til þarf. Markaðurinn er skoðaður og sett fram fjárhagsáætlun fyrir næstu átta árin.