Lög um áfengisauglýsingar : hugsanleg áhrif áfengisauglýsinga á börn og unglinga

Abstract

Í ritgerð þessari er leitast við að skoða lög, reglugerðir og sáttmála sem snúa að áfengisauglýsingum á miðlum ljósvakans, en þær hafa margfaldast á síðastliðnum áratug. Áfengisdrykkja einstaklinga undir tvítugu er óheimil samkvæmt íslenskum lögum og áfengisauglýsingar eru einnig ólöglegar. Lög þess efnis voru sett m.a. með hagsmuni ungmenna að leiðarljósi en unglingadrykkja kostar þjóðfélagið allt of mikið. Ekki virðast allir gera sér grein fyrir alvarleika málsins og frekar að hvatt sé til hennar eins og með áfengisauglýsingum, en þær verða ekki til af engu og getur mikil vinna og fjármagn legið á bakvið gerð þeirra. Á unglingsárunum á mikilvægt þroskatímabil sér stað og rannsóknir benda til þess að áfengisauglýsingar geta haft áhrif á drykkjuhegðun ungmenna. Forvarnir eru mun hagstæðari kostur en meðferð í öllum tilfellum.