Einfarar. Um heterótópíur í skáldsögum Pauls Auster

Abstract

Í þessari ritgerð verður fjallað um New York þríleikinn og Hendingu. Báðar skáldsögurnar snúast um persónur, sem leita að útgönguleiðum úr samfélaginu, og inn í einhvers konar einka-útópíur, sem eru jafn heillandi og þær eru skelfilegar. Spennan sem myndast á milli félagslegs rýmis samfélagsins og einkarýmis, sem og löngun sumra sögupersónanna til að hverfa, og annarra til að brjóta gegn bannhelgi samfélagsins, tengist hugtakinu heterótópíu, sem er fengið frá Michel Foucault, og hann skrifaði um í „Um önnur rými“.