is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > ML Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31294

Titill: 
  • Réttarstaða flugfarþega vegna tjóns á farangri : Er hún nægjanlega tryggð samkvæmt reglum X. kafla loftferðalaga?
Námsstig: 
  • Meistara
Útdráttur: 
  • Í þessari ritgerð sem ber heitið „Réttarstaða flugfarþega vegna tjóns á farangri“ er fjallað með heildstæðum hætti um réttarstöðu flugfarþega sem verða fyrir farangurstjónum. Eins og undirtitill ritgerðarinnar ber með sér er meginmarkið umfjöllunarinnar jafnframt að leitast við að svara þeirri spurningu, hvort að réttarstaða flugfarþega sé nægjanlega tryggð samkvæmt reglum X. kafla loftferðalaga nr. 60/1998 við farangurstjón. Til að svara þeirri spurningu með sannfærandi hætti er í ritgerðinni fjallað ítarlega um flestar reglur X. kafla loftferðalaga sem varða ábyrgð flytjanda á farangri við loftflutninga. Fjallað er um sérstakt lagasamræmingareðli X. kafla loftferðalaga sem skýrist af því að reglur kaflans eiga rætur að rekja til þjóðréttarlegra skuldbindinga Íslands, aðallega með Montreal-samningnum frá 28. maí 1999. Meginefni ritgerðarinnar fjallar þó um sjálfar ábyrgðarreglur X. kafla loftferðalaga, annars vegar vegna skemmda, eyðileggingar eða glötunar farangurs og hins vegar vegna farangurstafa. Þá er jafnframt fjallað um víðtækar ábyrgðartakmarkanir og ábyrgðarleysisreglur sem flytjanda er heimilt að bera fyrir sig ásamt því að gert er grein fyrir þeirri erfiðu sönnunarstöðu sem flugfarþegar standa frammi fyrir þegar þeir verða fyrir farangurstjóni. Í ritgerðinni er einnig að finna mikilvæga umfjöllun um galla á löggjöf sem varðar hlutverk Samgöngustofu við að leysa úr ágreiningi sem kann að rísa milli farþega og flytjanda um bótaskyldu. Þá er einnig fjallað um vátryggingar farþega og hlutverk þeirra borið saman við þá réttarvernd sem X. kafli loftferðalaga veitir farþegum sem verða fyrir farangurstjónum. Var það niðurstaða ritgerðarinnar að vátryggingar hafi lykilhlutverki að gegna þegar rætt er um réttarstöðu flugfarþega vegna farangurstjóna. Einkum vegna þess að flugfarþegar geta ekki vænst þess að fá tjón sitt bætt að fullu á grundvelli reglna X. kafla loftferðalaga, sem skýrist fyrst og fremst af þeirri erfiðu sönnunarstöðu sem gildir á vettvangi skaðabótaréttarins í farangurstjónamálum.

  • Útdráttur er á ensku

    In this thesis, which is named „Air passengers rights in the cases of damaged baggage“, an holistic approach is taken to research the passengers respective rights in cases of damaged baggage. As can be seen from the subtitle the main goal of the thesis is to answer the question, if X. chapter of the Icelandic air carriage code no. 60/1998 sufficiently protects the rights of passengers in the cases of damaged baggage. To answer this question in credible manner, the thesis examines most of the chapters rules of which have to do with the air carrier’s baggage liability. The exclusive nature of X. chapter is discussed, but that subject has to do with Iceland’s international obligations according to the Montreal-convention of 28. May 1999. The main focus of the thesis is on the liability rules of X. chapter of the Icelandic air carriage code. In that light the air carriers liability for destruction, loss of or damage to baggage is examined and also in cases of baggage delay. In addition to this the air carriers extensive limits to liability, and the difficult situation of burden of proof, inflicted on the passenger in the cases of damage to baggage is discussed. The thesis also sheds light on severe flaws in the Icelandic legislation, regarding the role of the Icelandic Transportation Authority. Air passengers insurance are taken into consideration in the thesis and the role of insurance is compared to the rules of X. chapter of the Icelandic air carriage code. It was found that passengers insurance have a key role to play in protecting air passengers rights in regards to their baggage. The reason for this is mainly that the passengers cannot expect to be fully compansated on the basis of the Icelandic air carriage code.

Styrktaraðili: 
  • Isavia ohf.
Samþykkt: 
  • 18.6.2018
URI: 
  • http://hdl.handle.net/1946/31294


Skrár
Skráarnafn Stærð AðgangurLýsingSkráartegund 
(SKILAEINTAK) Réttarstaða flugfarþega vegna tjóns á farangri.pdf604.28 kBOpinnHeildartextiPDFSkoða/Opna