Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19329
Í þessari rannsókn var kannað hvernig hreyfingu væri háttað í Heilsueflandi grunnskólum. Til að kanna það var spurningalisti lagður fyrir í öllum þeim skólum sem starfa í anda Heilsueflandi grunnskóla skólaárið 2013-2014. Þátttakendur voru 57 grunnskólar víðs vegar um landið en svör bárust frá 29 skólum. Spurningalistinn var lagður fyrir í byrjun apríl 2014. Markmiðið var að kanna hvernig hreyfingu er háttað í Heilsueflandi grunnskólum og að hve miklu leyti farið er eftir þeim viðmiðum sem eru gefin út fyrir hreyfingaþátt verkefnisins. Niðurstöður rannsóknarinnar sýndu að í heild eru starfandi heilsueflandi skólar á réttri leið en jafnframt er margt sem má bæta varðandi hreyfingarþátt verkefnisins. Helstu niðurstöður voru þær að hátt hlutfall skólanna höfðu ekki sett fram formlega stefnu hvað varðar hreyfingu í skólastarfi og einnig var athyglisvert hve lágt hlutfall hafði notað handbókna Virkni í skólastarfi. Þá ályktun má draga af niðurstöðunum að bæta megi reglulega eftirfylgni með verkefninu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
MKG Lokaverkefni.pdf | 481.1 kB | Lokaður til...15.05.2050 | Heildartexti |