Fugl í lífi þjóðar

Abstract

Þemanám er ekki ný „uppfinning“ í kennslu í grunnskólum en með sífelldum breytingum á markmiðum Aðalnámskrár grunnskóla virðist sem þessi kennsluaðferð henti alltaf betur og betur til kennslu. Fyrri hluti verkefnisins er tileinkaður þemanámi almennt þar sem stiklað er á helstu atriðum laga um grunnskóla og Aðalnámskrár í tengslum við þemakennslu. Lögð er áhersla á að skoða vel þær kennsluaðferðir sem taldar eru henta best til þemanáms og farið er yfir helstu atriði tengd kennslunni. Í seinni hluta verkefnisins hef ég sett saman þemaverkefni þar sem lóan er í aðalhlutverki. Samþættar eru ólíkar námsgreinar svo sem íslenska, náttúrufræði, tónmennt, myndmennt og leikræn tjáning. Þemaverkefnið er ætlað 7. bekk grunnskóla en auðvelt er að aðlaga það nemendum á öllum aldri.