en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/7047

Title: 
  • Title is in Icelandic Mótbárutap skuldara við framsal skuldabréfa
Submitted: 
  • February 2011
Abstract: 
  • Abstract is in Icelandic

    Um svokölluð viðskiptabréf gilda sérstakar framsalsreglur. Þessar reglur gera viðskipti með slík bréf bæði í senn auðveldari og öruggari. Ef farið væri eftir hinum almennu reglum kröfuréttarins við framsal viðskiptabréfakröfu gæti framsalshafi átt það á hættu að glata réttindum sem hann sem hann teldi sig réttilega eiga. Megininntak viðskiptabréfareglnanna er það að framsalshafi öðlist þau réttindi sem bréfið ber með sér. Ýmsar tegundir viðskiptabréfa eru til og eru skuldabréf ein þeirra.
    Hér á landi er ekki til staðar nein heildarlöggjöf um skuldabréf og þær reglur sem eru í gildi eru að sumra mati fremur flóknar og óaðgengilegar. Enn í dag er hins vegar í gildi tilskipun sem Kristján VII. Danakonungur gaf út árið 1798, en hún varðar áritun afborgana á skuldabréf. Fjölmargar réttarreglur hafa jafnframt verið leiddar af umræddri tilskipun með lögjöfnun. Þar fyrir utan eru ýmis ákvæði í íslenskum lögum sem snúa með einum eða öðrum hætti að skuldabréfum og viðskipti með þau. Enn fremur hafa reglur um skuldabréf mótast í dómaframkvæmd.
    Í ritgerð þessari verður fjallað um mótbárutap skuldara við framsal skuldabréfa, en í 2. gr. áðurnefndrar tilskipunar Kristjáns VII. er kveðið á um þá reglu. Í 2. kafla verður fjallað um framsal kröfuréttinda almennt. Í þeim kafla verður farið yfir ólíkar reglur sem gilda um framsal krafna, lögskiptin milli framseljanda og framsalshafa auk þess að farið verður stuttlega yfir réttarstöðu skuldarans. Í 3. kafla verður leitast við að skilgreina hugtakið viðskiptabréf og jafnframt skoða helstu einkenni slíkra bréfa. Í 4. kafla verður farið yfir tilskipun Kristjáns VII. frá 9. febrúar 1798, aðdraganda setningar hennar, einstök ákvæði og þróun í dómaframkvæmd í kjölfar setningar hennar. Í 5. kafla verður vikið að mótbárutapi skuldara við framsal skuldabréfa. Í kaflanum verður fjallað með almennum hætti um greiðslumótbárur og aðrar mótbárur sem skuldari getur borið fyrir sig. Í 6. kafla verður fjallað um skilyrði mótbárutaps skuldara. Í 7. kafla verður ritgerðin svo dregin saman í örfáum ályktunarorðum.

Accepted: 
  • Dec 15, 2010
URI: 
  • http://hdl.handle.net/1946/7047


Files in This Item:
Filename Size VisibilityDescriptionFormat 
BA-ritgerð pdf.pdf258.03 kBLockedMeginmálPDF
forsíða.pdf30.56 kBOpenForsíðaPDFView/Open