Nýting geita á Íslandi fyrr og nú

Abstract

Í þessu verkefni er nýting geita á Íslandi fyrr og nú könnuð og komið fram með hugmyndir að frekari nýtingu. Heimildaöflun var stór hluti verkefnisins þar sem nýting geita á Íslandi var skoðuð sem og nýting þeirra erlendis. Leitað var til geitabændaog annarra sem vinna með geitur eða geitaafurðir og veittu þessir aðilar viðtal í gegnum síma eða tölvupóst. Í ljós kom að íslenskar geitur hafa alltaf verið lítið nýttar og heimildir umnýtingu þeirra eru vandfundnar. Þeir aðilar sem rætt var við voru hins vegar sammála um að möguleikar á nýtingu eru gríðarmiklir og þeir bændur sem nýta geitaafurðir anna ekki eftirspurn. Það er því mikilvægt að fjölga í stofninum svo hægt sé að anna eftirspurn, bæta nýtinguna og koma stofninum úr útrýmingarhættu. Að auki þarf að gera rannsóknir á stofninum til að stuðla að markvissari fjölgun og nýtingu.