en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/7216

Title: 
  • is Hefur starfsumhverfi íslenskra starfsmanna breyst í kjölfar efnahagshrunsins?
Submitted: 
  • January 2011
Abstract: 
  • is

    Í lok 2008 áttu sér stað miklar breytingar á íslenskum atvinnumarkaði í kjölfar efnahagshruns. Staða fyrirtækja versnaði og mörg þeirra sáu ekkert annað fært en að segja upp starfsfólki. Atvinnulíf landsins tók í kjölfar hrunsins stórt stökk niður á við og atvinnuleysi tæplega fimmfaldaðist á skömmum tíma. Árleg viðhorfskönnun, sem gerð er af stéttafélaginu VR, gefur til kynna að starfsumhverfið hafi lítið sem ekkert breyst árin eftir hrun þrátt fyrir talsverðar breytingar á atvinnumarkaði.
    Markmið þessarar rannsóknar er að skoða hvort og hvernig starfsumhverfið hjá íslensku starfsfólki hafi breyst í kjölfar efnahagshruns 2008. Áhersla er lögð á svokallaða eftirverendur, starfsfólk sem ekki var sagt upp og varð eftir í fyrirtækinu.
    Vandlega voru valin 15 fyrirtæki úr fimm mismunandi atvinnugreinum sem tóku þátt í könnunum um fyrirtæki ársins síðastliðin þrjú ár. Greiningin byggist að öllu leyti á VR-könnuninni um fyrirtæki ársins og eru tölurnar þaðan notaðar sem rannsóknarefni. Tölur fyrirtækja voru ítarlega greindar, bornar saman og túlkaðar. Niðurstöður fyrirtækjanna fimmtán voru síðan bornar saman við heildarniðurstöður VR-könnunarinnar til að sjá hvort munur væri á.
    Helstu niðurstöður rannsóknarinnar eru þær að lítill munur er á heildareinkunn fyrirtækja frá 2008 og til 2010. Ímynd fyrirtækja versnaði og launkjör lækkuðu á milli áranna en í það litlum mæli að það hafði ekki stórkostleg árhrif á heildareinkunnina. Draga má þá ályktun samkvæmt niðurstöðum rannsóknarinnar að starfsumhverfi og líðan fólks á vinnustöðum hafi lítið sem ekkert breyst í kjölfar efnahagshruns.
    Tekið var mið af hugmyndum ýmissa fræðimanna til að skýra niðurstöður rannsóknarinnar. Sérstaklega var leitast við að skilgreina ástæður fyrir litlum breytingum á svörum starfsmanna þessara fyrirtækja, um starfsumhverfi þeirra fyrir og eftir hrun. Sérstök áhersla var lögð á þætti sem gætu haft áhrif á aukna ánægju í starfi í samdráttartímum.

Accepted: 
  • Jan 12, 2011
URI: 
  • http://hdl.handle.net/1946/7216


Files in This Item:
Filename Size VisibilityDescriptionFormat 
Bs-ritgerð Jessi loka útgáfa.pdf1.02 MBOpenHeildartextiPDFView/Open
efnisyfirlit.pdf132.24 kBOpenEfnisyfirlitPDFView/Open
heimdaskrá.pdf160.96 kBOpenHeimildaskráPDFView/Open