en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/7232

Title: 
  • Title is in Icelandic Tengsl áfengismisnotkunar og atvinnu. Hagfræðileg greining
  • The relationship between alcohol abuse and employment. An economic estimation
Submitted: 
  • January 2011
Abstract: 
  • Abstract is in Icelandic

    Samband áfengismisnotkunar og vinnumarkaðar telst flókið og eru niðurstöður erlendra rannsókna á því ekki samhljóma. Stór hluti þeirra sýnir fram á neikvæð áhrif misnotkunar á útkomu vinnumarkaðar en aðrar greina frá hverfandi eða jákvæðum áhrifum. Einungis tvær íslenskar rannsóknir hafa verið gerðar á efninu og sýna þær hverfandi eða jafnvel jákvæð áhrif áfengismisnotkunar á vinnumarkaðsbreytur. Vegna þess ósamræmis sem gætir á erlendum og innlendum niðurstöðum er óljóst hvort alþjóðlegar rannsóknir nýtast við áætlanagerð í áfengismálum hérlendis.
    Markmið þessarar rannsóknar er að kanna, með probit-greiningum, hvort marktæk tengsl séu á milli áfengismisnotkunar og líkinda einstaklinga til að vera með vinnu. Sérstök áhersla er lögð á vægi heilsubreytna í þessu sambandi. Niðurstöður eru settar þannig fram að góður samanburður fáist á tengslum misnotkunar og atvinnu karla og kvenna annars vegar og ólíkra aldurshópa hins vegar. Gögnin sem rannsóknin byggist á eru fengin úr spurningalistakönnun Lýðheilsustöðvar en auk þeirra er stuðst við gögn frá Hagstofu Íslands og Efnahags- og framfarastofnuninni (OECD).
    Niðurstöður probit-greininganna styðja ekki þá almennu hugsun að einstaklingar sem eiga við áfengisvandamál að stríða séu líklegri til að vera atvinnulausir eða utan vinnumarkaðar. Þær sýna jafnframt fram á að tengsl áfengismisnotkunar og atvinnu séu jákvæðari í tilfelli kvenna en karla. Samkvæmt niðurstöðunum er ungt fólk sem neytir óhóflegs magns áfengis líklegra til að vera með vinnu en jafnaldrar þeirra sem gera það ekki. Líkurnar lækka síðan töluvert þegar einstaklingar komast á miðjan aldur og hækka á ný á efri árum.
    Þó svo að niðurstöðurnar sýni hverfandi eða jafnvel jákvæð áhrif áfengismisnotkunar á líkindi einstaklinga til að vera með vinnu er ljóst að þörf er á frekari og víðtækari rannsóknum með íslenskum gögnum til að meta áhrif áfengismisnotkunar á útkomu vinnumarkaðar.

Accepted: 
  • Jan 13, 2011
URI: 
  • http://hdl.handle.net/1946/7232


Files in This Item:
Filename Size VisibilityDescriptionFormat 
Hugrún Halldórsdóttir_BS ritgerð.pdf843.26 kBOpenHeildartextiPDFView/Open

Note: is Óheimilt er að prenta ritgerðina eða afrita.