Ungmenni á Hálsinum: Saga félagsmiðstöðva, æskulýðs- og tómstundamála í Kópavogi

Abstract

Í þessari ritgerð verður saga æskulýðs- og tómstundamála rakin með áherslu á unglinga. Einnig verður saga félagsmiðstöðva í Kópavogi sögð. Sagt verður frá lykilþáttum í byggðarlagsþróun Kópavogs og hvernig sú þróun hafði áhrif á stefnu bæjaryfirvalda hvað varðaði málefni unglinga. Skólasaga Kópavogs fléttast af einhverju leiti inn í frásögnina. Sagt verður frá stofnun Kópavogsskóla, fyrsta barnaskóla bæjarins, ásamt því að gert verður grein fyrir þætti skólanna í uppbyggingu æskulýðs- og tómstundastarfs í bænum. Fjallað verður um æskulýðsráð, félagsmálastofnun og tómstundaráð Kópavogs til þess að komast að þætti þeirra í atburðarrás sem leiddi til stofnunar félagsmiðstöðva í öllum grunnskólum Kópavogs. Framboð á tómstunda- og æskulýðsstarfsemi frá árdögum Kópavogs fram til dagsins í dag verður einnig skoðað. Sagt verður frá þeim úrræðum sem stóðu unglingum til boða áður en félagsmiðstöðvarnar komu til. Fjallað verður um íþrótta- og tómstundaráð Kópavogs og sagt frá hvernig rekstur félagsmiðstöðvanna færðist undan stjórn skólanna til ÍTK. Kostir og gallar þessa breytinga verða metnir.