en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/7288

Title: 
  • is Fairtrade viðskiptastefnan
Submitted: 
  • January 2011
Abstract: 
  • is

    Fairtrade-samtökin reka viðskiptastefnu sem grundvölluð er á
    siðfræðikenningum um réttlæti, og sanngirni í viðskiptum. Undir merkjum
    Fairtrade er verslað með hvers kyns varning, þó aðallega hrávöru. Í þessari
    ritgerð verður lögð áhersla á verslun með kaffi.
    Fairtrade samtökin leitast með stefnu sinni fyrst og fremst við að vinna
    gegn ósanngirni í milliríkjaviðskiptum. Samtökin telja verðlag á kaffimarkaði
    almennt of lágt, og hafa því innleitt lágmarksverð á markað með Fairtrade-kaffi, í
    þeim tilgangi að bæta lífskjör framleiðenda í þriðja heiminum. Lágmarksverðið
    er kjarninn í baráttu samtakanna fyrir sanngirni í viðskiptum og gegn fátækt í
    þróunarlöndum. Önnur baráttumál eru einnig á könnu samtakanna, þ.á.m.
    aðgerðir gegn barnavinnu.
    Markmiðið með skrifum þessarar ritgerðar er að kanna raunveruleg áhrif
    Fairtrade-stefnunnar á lífskjör og velferð í þróunarlöndum. Í þeim tilgangi er
    kaffimarkaðurinn athugaður sérstaklega, auk vinnumarkaðs í þróunarlöndum.
    Til þess kanna áhrifin met ég stefnuna og mögulegar hliðarverkanir hennar fyrst
    og fremst út frá sjónarhóli hagfræðinnar.
    Þar sem viðskiptastefnan tengist siðfræði sterkum böndum, kanna ég
    lauslega siðfræðilegan grundvöll Fairtrade-stefnunnar, og ræði þau siðferðilegu
    álitamál sem kunna að koma upp.
    Heilt yfir litið eru áhrif stefnunnar fremur óljós - sennilega óveruleg. Erfitt
    að leggja nákvæmt mat á áhrifin, enda skiptir þá helst máli hve þungt kostir
    stefnunnar vega á móti göllum hennar, og fer vægi þess eftir aðstæðum hverju
    sinni. Stóra vankanta er að finna á stefnunni, en hún hefur einnig ákveðna kosti,
    sem gætu mögulega ýtt undir hagvöxt til lengri tíma litið. Hugsanlegt er að
    stefnan hafi einnig ýmis jákvæð áhrif sem ekki eru mælanleg í hagstærðum.
    Farandverkafólk er fátækasta fólkið í kaffiiðnaðnum, og á hvorki jörð né
    starfar það á eigin bóndabýli. Þetta fólk hlýtur engan beinan velferðarauka af
    Fairtrade-stefnunni, enda nær stefnan ekki til þess. Sumir bændur njóta aukinna
    lífsgæða vegna þátttöku sinnar á Fairtrade-markaðnum. Aðrir bændur, sem
    standa utan við kerfið, geta mögulega orðið fyrir kjaraskerðingu vegna þess.
    Verst er, að fátækustu bændurnir eru líklegastir til þess að verða fyrir
    kjaraskerðingu af völdum Fairtrade.

Accepted: 
  • Jan 14, 2011
URI: 
  • http://hdl.handle.net/1946/7288


Files in This Item:
Filename Size VisibilityDescriptionFormat 
Fairtrade_rafraen.pdf1.16 MBOpenHeildartextiPDFView/Open