en English is Íslenska

Thesis University of Akureyri > Hug- og félagsvísindasvið > B.A./B.Ed. verkefni >

Please use this identifier to cite or link to this item: http://hdl.handle.net/1946/729

Title: 
  • is Sá sem trúir á draug finnur draug : Svæðisútvarp Austurlands á tímum stóriðjuframkvæmda
Abstract: 
  • is

    Síðastliðin ár hafa verið mjög viðburðarík á Austurlandi. Umfangsmiklar framkvæmdir hófust
    árið 2003 þegar ákveðið var að reisa álver í Reyðarfirði og þar með einnig að byggja
    Kárahnjúkastíflu til að sjá álverinu fyrir rafmagni. Þessar framkvæmdir hafa verið mjög
    umdeildar frá upphafi og hafa umhverfisverndarsinnar þar mótmælt hvað harðast. Á svo
    athafnasömum tímum er einnig mikið að gera hjá fjölmiðlum við að upplýsa almenning um
    allt sem fram fer í samfélaginu, ekki einungis framkvæmdirnar sem slíkar heldur alls kyns
    fylgifiska þeirra. Svæðisútvarp Austurlands er með útsendingu fjóra daga í viku í 35 mínútur í
    senn en útsendingin heyrist á bylgju Rásar 2 um allt Austurland. Stöðin hefur þrjá fréttamenn
    starfandi sem sjá um að afla frétta í Svæðisútvarpið jafnframt því að sjá um mest alla
    efnisöflun af Austurlandi fyrir Ríkisútvarpið, bæði í útvarp og sjónvarp. Þessi rannsókn tekur
    til fjögurra ára af fréttum Svæðisútvarpsins til að sjá hvort fyllsta hlutleysis sé gætt í
    fréttaflutningi af stóriðjunni. Ákveðin tímabil voru tekin fyrir á hverju ári, frá byrjun maí fram
    í enda september, alls 40 vikur í heildina.
    Stóriðjufréttir voru greindar niður í tæknilegar-, virkjana-, og umhverfisfréttir þar sem
    tæknilegar fréttir eru einungis um tæknileg atriði stóriðjuframkvæmdanna í Reyðarfirði og við
    Kárahnjúka. Tíminn sem fór í virkjana- og umhverfisfréttir reyndist vera mjög svipaður og
    ekki marktækur munur miðað við 95% öryggismörk. Það sama gilti með þær fréttir sem voru
    skilgreindar sem jákvæðar eða neikvæðar gagnvart stóriðjunni, það var ekki marktækur
    munur þar á milli.
    Svæðisútvarpið hefur fengið á sig þá gagnrýni að vera hlutdrægt, ýmist með eða á móti
    stóriðjunni. Það virðist þó vera sem fréttaflutningurinn sé í jafnvægi og að íbúar Austurlands
    fái þannig að njóta þess að hafa nærmiðil sem tekur faglega á málefnum líðandi stundar.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2007
URI: 
  • http://hdl.handle.net/1946/729


Files in This Item:
Filename Size VisibilityDescriptionFormat 
frettagreiningarblad_ragga_greta.pdf12.6 kBMembersSá sem trúir - fylgiskjöl1PDF
spurningar_vidtol_ragga_greta.pdf12.85 kBMembersSá sem trúir - fylgiskjöl2PDF
ba_sa_sem_truir.pdf519.47 kBMembersSá sem trúir - heildPDF
efnisyfirlit_ragga_greta.pdf28.51 kBOpenSá sem trúir - efnisyfirlitPDFView/Open
heimildarskra_ragga_greta.pdf33.02 kBOpenSá sem trúir - heimildaskráPDFView/Open
utdrattur_ragga_greta.pdf10.37 kBOpenSá sem trúir - útdrátturPDFView/Open