en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/7314

Title: 
  • Title is in Icelandic Tvíhöfða risi. Sameining Landsbókasafns Íslands og Háskólabókasafns í eitt safn
Submitted: 
  • June 2006
Abstract: 
  • Abstract is in Icelandic

    Landsbókasafn Íslands – Háskólabókasafn var opnað 1. desember 1994. Safnið varð til við samruna tveggja eldri safna, annars vegar Landsbókasafns Íslands sem var þjóðbókasafn og hins vegar Háskólabókasafns sem var bókasafn Háskóla Íslands. Þegar sameiningin varð loks að veruleika var liðin rúmlega hálf öld frá því að hugmyndin um nýtt safn á Melunum var fyrst reifuð opinberlega og tímabært að skoða árangurinn. Rannsóknin var framkvæmd samkvæmt eigindlegum rannsóknaraðferðum og beindist að því að athuga hvaða áhrif sameiningin hefur haft fyrir safnið sem háskólabókasafn. Þátttakendur voru tíu kennarar úr fimm mismunandi deildum Háskóla Íslands og voru þeir spurðir um sameiningu safnanna, kosti hennar og galla og áhrif hennar á samskipti safnsins og Háskólans. Þeir voru spurðir um safnið sem bókasafn Háskóla Íslands, hvort þeir fyndu fyrir samkeppni við aðra háskóla og hvort þeir væru ánægðir með þjónustuna. Jafnframt voru þeir spurðir um framboð efnis, bæði rafræns efnis og pappírsgagna. Að lokum voru þeir spurðir hvort þeim fyndist að safnið ætti að víkka út hlutverk sitt og þjóna fleiri háskólum, vera „safn allra háskóla“. Breytingar sem orðið hafa í samfélaginu síðan að safnið var opnað og áhrif þeirra á starfsemi safnsins voru skoðaðar, jafnframt voru væntingar stjórnmálamanna, háskólamanna og bókavarða til hins nýja safns skoðaðar og að hvaða leyti þær hefðu staðist. Kennararnir skiptust í tvo hópa hvað varðar sameininguna en meirihluti þeirra taldi núverandi hlutverk safnsins vera óljósara en það var. Auk þess virðast tengsl bókasafnsins og Háskólans minni en þau voru fyrir sameiningu. Meirihluti kennaranna eða sex af tíu voru ósammála því að safnið ætti að vera bókasafn nemenda allra háskóla í landinu. Þótt kennararnir væru sammála um að nýja safnið væri betra en það gamla voru þeir ekki allir vissir um að það væri sameiningunni sjálfri að þakka heldur væri erfitt að greina sameininguna frá þeim framförum sem urðu þegar safnið var opnað.

Accepted: 
  • Jan 17, 2011
URI: 
  • http://hdl.handle.net/1946/7314


Files in This Item:
Filename Size VisibilityDescriptionFormat 
Tvíhöfða risi.pdf1.68 MBOpenHeildartextiPDFView/Open
Viðaukar 8-10 Spurningalistar.pdf318.78 kBOpenViðaukiPDFView/Open