is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7373

Titill: 
  • Græddur er geymdur eyrir. Sparnaður Kínverja og áhrif hans á heimshagkerfið
Námsstig: 
  • Bakkalár
Leiðbeinandi: 
Útdráttur: 
  • Ritgerðin fjallar um hlutverk sparnaðar í efnahagsmálum Kínverja og áhrif þess á heimshagkerfið. Fjallað er um ástæður þessa mikla sparnaðar bæði hjá heimilum og ríkinu. Gerð er grein fyrir því hvernig hið hlutfallslega háa sparnaðarhlutfall sé til komið vegna sterkrar tilhneigingar á kínverskum heimilum til að spara sem og áhrifa af stefnu ríkisstjórnarinnar í efnahagsmálum.
    Samband Bandaríkjanna og Kína hefur verið mikilvægur þáttur í hinum óvenju mikla hagvexti sem mælst hefur í heiminum síðasta áratuginn. Þessar tvær þjóðir markast af verulegum andstæðum í þeim skilningi að Kínverjar hafa sparað hlutfallslega mikið á meðan Bandaríkjamenn hafa aukið við neyslu á þessum fyrsta áratug þessarar aldar. Fjallað er um samband þessara þjóða með hliðsjón af hinum mikla sparnaði Kínverja og áhrifa ákveðinna þátta í efnahagsstefnu þessara þjóða hvora á aðra og hagkerfi heimsins. Í ritgerðinni er bent á hlut Bandaríkjamanna og Kínverja í því að skapa ójafnvægi á fjármálamörkuðum heimsins. Að lokum er svo fjallað um mögulegar leiðir heimshagkerfisins til endurskipulagningar og til þess að ná jafnvægi.
    Efnahagsstefna Kínverja er úthugsuð og klók stefna sem miðar að því að halda uppi hagvexti með sem minnstri áhættu. Varkárni Kínverja gerir það að verkum að þeir taka litla áhættu og flytja áhættuna yfir á Vesturlönd þar sem hið vestræna fjármálakerfi setti hana að miklu leyti á þann geira sem verst var í stakk búinn til að taka áhættu, þ.e. vestræn heimili sem nýttu sér ódýrt fjármagn í umferð með því að auka við neyslu og minnka sparnað. Ef Vesturlönd fara að fordæmi Kínverja með því að spara meira og taka minni áhættu verða Kínverjar að endurskoða efnahagsstefnu sína þar sem hagvöxtur Kína er að miklu leyti byggður upp á neysluhyggju Vesturlanda.

Samþykkt: 
  • 20.1.2011
URI: 
  • http://hdl.handle.net/1946/7373


Skrár
Skráarnafn Stærð AðgangurLýsingSkráartegund 
DAK7_BAritgerd.pdf256.02 kBOpinnHeildartextiPDFSkoða/Opna