Fyrirgefning. „það er enginn sigur eins fallegur og sá sem er unninn í fyrirgefningunni“

Abstract

Í þessari ritgerð verður leitað svara við spurningunni: Hvað segir Biblían um fyrirgefningu og gildi fyrirgefningar fyrir einstaklinginn? Hugtakið fyrirgefning verður skoðað í Gamla og Nýja testamentinu og mismunandi merkingar þess. Stuðst verður við hebresk og grísk hugtök yfir fyrirgefningu.Fjallað verður um fyrirgefninguna í lífi einstaklingsins út frá kristnum og sálfræðilegum sjónarmiðum og gildi hennar fyrir einstaklinginn. Nokkrir guðfræðingar verða til umfjöllunar í því sambandi. Fyrirgefning sem ferli verður einnig til umfjöllunar og áhrif hennar á sjálfsmynd einstaklingsins.