Hagkvæmnisathugun á nýtingu glatvarma og uppsetningu varmadælu samhliða uppþíðingartanki

Abstract

Meginmarkmið þessa verkefnis er að framkvæma hagkvæmnisathugun á þremur mismunandi orkugjöfum sem ætlaðir eru til að skaffa uppþíðingartanki volgu vatni. Orkugjafarnir sem um ræðir eru rafhitun, gashitun og varmadæla og fer hagkvæmnisathugunin fram á tveimur ólíkum stöðum, í Danmörku og á Spáni. Annar stór þáttur í þessu verkefni er nýting glatvarma frá frystikerfum.Tveimur aðferðum er beitt við útreikninga en niðurstöður úr forritinu EES eru hafðar í öndvegi í arðsemisútreikningum.Niðurstöður leiða það í ljós að gashitun sé ódýrasti kosturinn og rafhitun sá dýrasti. Varmadæluframkvæmdir koma ágætlega út og eru t.a.m. ódrýari kostur heldur en rafhitun á báðum stöðum. Ekki er ólíklegt að varmadæluframkvæmd verði innan fárra ára orðin hagkvæmasti kosturinn samhliða uppþíðingartanknum, að því gefnu að ytri aðstæður séu þeim í hag.