en English is Íslenska

Thesis University of Iceland > Félagsvísindasvið > B.A./B.Ed./B.S. verkefni - Félagsvísindasvið >

Please use this identifier to cite or link to this item: http://hdl.handle.net/1946/7926

Title: 
  • Title is in Icelandic Eftirlit velferðarráðuneytis með Barnaverndarstofu. Er eftirliti sinnt í samræmi við lagaskyldu?
Submitted: 
  • April 2011
Abstract: 
  • Abstract is in Icelandic

    Opinbert eftirlit með stjórnsýslu á Íslandi hefur mjög verið til umræðu síðustu misserin, meðal annars í kjölfar hruns íslenska bankakerfisins í október 2008. Talið hefur verið að skortur á eftirliti með framkvæmd laga og reglna á fjármálamarkaði hafi verið meðal orsaka þess að hrun bankanna átti sér stað. Opinbert eftirlit barnaverndaryfirvalda með barnaverndarmálum hefur og sætt mikilli gagnrýni eftir að upp komst um slæma meðferð barna á vist- og meðferðarheimilum ríkisins, einkum á Breiðavík á árunum 1952-1979. Við rannsókn sem unnin var af nefnd sem skipuð var af forsætisráðherra samkvæmt heimild í lögum nr. 26/2007 til að kanna starfsemi vistheimilisins á Breiðavík, (vistheimilanefnd) kom í ljós að opinbert eftirlit með starfsemi heimilisins hafði verið verulega ábótavant.
    Í ritgerð þessari er markmiðið að rýna ofan í eftirlit velferðarráðuneytisins með Barnaverndarstofu sem kveðið er á um í 4. mgr. 5. gr. barnaverndarlaga nr. 80/2002 (skammstöfuð bvl.). Ætlunin er að rannsaka hvernig eftirlit ráðuneytis er rækt og hvort það sé gert í samræmi við lög. Í fyrstu er fjallað almennt um eftirlit og hvernig eftirliti í stjórnsýslunni er háttað auk þess sem sérstaklega er fjallað um réttarstöðu sjálfstæðra stjórnvalda og eftirlit með þeim. Byggist sá kafli fyrst og fremst á skýrslu nefndar sem forsætisráðherra skipaði samkvæmt ályktun Alþingis frá 2. júní 1998 til að gera úttekt á starfsskilyrðum stjórnvalda, eftirliti með starfsemi þeirra og viðurlögum við réttarbrotum í stjórnsýslu. Að því búnu er rakin stuttlega saga eftirlits ráðuneyta með barnaverndarmálum. Því næst er fjallað um eftirlitsheimildir velferðarráðuneytisins með Barnaverndarstofu, rakið hvað í þeim felst og á hvaða lagagrundvelli þær eru reistar. Þessu næst verða rakin þrjú mál sem komið hafa til afgreiðslu hjá ráðuneytinu og Barnaverndarstofu er varða lok þjónustusamninga um rekstur meðferðarheimila, og gerð tilraun til að leggja mat á það hvort afgreiðsla mála hafi verið fullnægjandi og í samræmi við eftirlitsheimildir og góða stjórnsýsluhætti. Að endingu verður gerð grein fyrir ákvæðum frumvarps til breytinga á bvl. sem lagt hefur verið fram á Alþingi, sem þýðingu hafa fyrir efni ritgerðar þessarar.

Description: 
  • Description is in Icelandic Etirlit velferðarráðuneytisins með Barnaverndarstofu sem kveðið er á um í 4. mgr. 5. gr. barnaverndarlaga nr. 80/2002. Rannsókn á því hvernig eftirlit ráðuneytis er rækt og hvort það sé gert í samræmi við lög.
Accepted: 
  • Apr 15, 2011
URI: 
  • http://hdl.handle.net/1946/7926


Files in This Item:
Filename Size VisibilityDescriptionFormat 
Eftirlit velferðarráðuneytis með Barnaverndarstofu, BA ritgerð í lögfræði, apríl 2011, Þóra Jónsdóttir.pdf248.48 kBOpenHeildartextiPDFView/Open