en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/798

Title: 
  • is Svipgerðargreining á nýrri lungnaþekjufrumulínu til rannsókna
Authors: 
Abstract: 
  • is

    Lykilorð: Lungu, svipgerðargreining, þekjuvefsfrumulína, mótefnalitun, þrívíð ræktun.
    Lungnasjúkdómar eru ört vaxandi vandamál og er mikil almenn þörf á auknum
    rannsóknum á því sviði til að bæta skilning á tilurð og framþróun þeirra. Frumulínur gera
    vísindamönnum kleift að stunda langtímarannsóknir utan líkama (e. in vitro). Þær
    lungnafrumulínur sem notast er við í rannsóknum í dag eru flestar komnar frá langt
    gengnum lungnakrabbameinsæxlum og endurspegla því ekki nema að litlu leyti eðlilegar
    lungnaþekjufrumur. Því er ljóst að mikil eftirspurn er eftir frumulínum sem sýna svipaða
    eiginleika og frumugerðir sem finnast í heilbrigðum lungum. Markmið þessa verkefnis
    var að skilgreina nýja lungnaþekjufrumulínu sem áður hafði verið búin til á
    rannsóknastofu í frumu-, og sameindalíffræði við Krabbameinsfélag Íslands. Frumulínan
    kallast VA206 og var búin til með innskoti á æxlisgenunum E6 og E7 inn í eðlilegar
    berkjuþekjufrumur sem höfðu verið fengnar frá Bandaríkjunum. Frumurnar voru
    skilgreindar með mótefnalitunum auk þess að vera ræktaðar í tví-, og þrívíðu umhverfi.
    Frumuræktirnar voru skoðaðar og myndaðar reglulega í ljós-, og fasakontrast smásjám.
    Þær voru ræktaðar á sérstöku berkjufrumuæti sem bætt var með vel skilgreindum
    vaxtarþáttum. Í sumum tilvikum var einnig 10% kálfasermi bætt út í ræktunarætið.
    Þrívíðar frumuræktanir fóru fram í kollagen geli og í grunnhimnuefni.
    Niðurstöður mótefnalitana, sem gerðar voru yfir tímalínu, sýna einkennandi tjáningu
    þekjuvefssameinda, aðallega keratina sem mikið eru tjáð í þekjuvefsfrumum, ásamt
    viðloðunartengipróteinum við aðrar frumur og grunnhimnu. Mismunandi próteintjáning
    sást eftir mismunandi fjölda umsáninga (e. passage). Við ræktun í þrívíðu umhverfi
    mynduðu frumurnar litlar þyrpingar sem voru mismunandi að lögun eftir því hvort
    kálfasermi var í ætinu eða ekki.
    Almennt gekk hægt að rækta frumurnar vegna frumuöldrunar og krísu. Krísa er vel þekkt
    fyrirbrigði sem kemur fyrir hjá frumum sem komnar eru í öldrunarástand (e. replicative
    senscence). Þegar þetta er skrifað eru klónar úr ræktunum að vaxa upp úr krísuástandinu
    og því líkur á því að VA206 frumulínan verði ódauðleg og nýtist þannig vel til
    áframhaldandi rannsókna.

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2007
URI: 
  • http://hdl.handle.net/1946/798


Files in This Item:
Filename Size VisibilityDescriptionFormat 
Lokaverkefni-Lokaútgáfa.pdf6 MBMembersSvipgerðargreining - heildPDF