Fjölmiðlahátíðir á Íslandi. Sjónvarp sem alla hópa sameinar

Abstract

Árið 1992 birtu Daniel Dayan og Elihu Katz kenningu sína um fjölmiðlahátíðir sem kom út í bókinni Media Events, the live broadcasting of history. Þar varpa þeir félagar ljósi á það hvað felst í fjölmiðlahátíðum í samfélaginu og styðjast við klassískar félagsfræðikenningar Durkheim og Weber. Sýna þeir fram á það hvaða þýðingu sjónvarp hefur og hvernig það getur haft mikil áhrif á tíðarandann í formi fjölmiðlahátíða. Verður litið á kenningu Dayan og Katz og skoðað hversu virkan þátt Íslendingar taka þátt í fjölmiðlahátíðum og hvaða fjölmiðlahátíðir ber þar hæst. Einnig verða þeir íslensku sjónvarpsviðburðir skoðaðir sem gætu talist til fjölmiðlahátíða og þeir skoðaðir út frá kenningu Dayans og Katz á íslenska vísu. Lífsstílshópar á Íslandi verða skoðaðir samkvæmt rannsókn Henriks Dahl og Capacent Gallup á Íslandi og þeirri spurningu varpað fram hvort að það sé sjónvarp sem sameini alla hópa í landinu, hversu ólíkir sem þeir séu.