en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/821

Title: 
  • is Forathugun á stækkun Fagradalsveitu
Abstract: 
  • is

    Verkefnið fjallar um möguleika þess að stækka veitusvæði Fagradalsveitu í
    Mývatnssveit. Árið 1991 var borað eftir heitu vatni í landi Gautlanda við
    Arnarvatn og fengust þar um 32 l/s af um 65° heitu vatni. Stofnaðar voru tvær
    hitaveitur sem sáu um að dreifa vatninu annars vegar í Gautlönd og hins vegar í
    Arnarvatn, Helluvað, Laxárbakka og veiðiheimilið Hof.
    Í næsta nágrenni eru nokkrir bæir sem eru rafmagnskyntir og væri það leið til
    stórbættra lífsgæða fyrir þá sem þar búa að leggja hitaveitu á þessa bæi auk þess
    sem það gæti verið fjárhagslegur ávinningur til langs tíma litið. Í næsta nágrenni, á
    Skútustöðum, eru nokkrir bæir og tvö hótel sem eru tengd Hitaveitu Reykjahlíðar,
    en nokkur útfellingarvandamál hafa gert vart við sig í þeirri veitu og þess vegna
    var einnig lagt mat á það hvað kostaði að leggja hitaveitu í Skútustaði.
    Stillt var upp þremur valmöguleikum, lögn hitaveitu í Litluströnd og
    Baldurheim, lögn hitaveitu í Hofsstaði, Geirastaði, Nónbjarg og Vagnbrekku og
    að lokum lögn hitaveitu í Haganes, Skútustaði og Álftagerði. Lagt var mat á
    hvaða leiðir skyldi fara, hvaða lagnir væri heppilegast að nota, hver vatnsþörfin
    væri og hversu heitt vatnið væri þegar það kæmi á leiðarenda. Einnig var lagt mat
    á það hvort framkvæmdin hefði einhver veruleg umhverfisáhrif.
    Þegar búið var að meta þessi atriði var metinn kostnaðurinn við að leggja
    hitaveitu á þessa staði. Gert var nokkurs konar forathugun, sem byggði á
    samanburði við þær eingreiðslur sem bæir geta mögulega fengið í staðinn fyrir
    niðurgreiðslu frá ríkinu þegar þeir taka inn hitaveitu í staðinn fyrir
    rafmagnskyndingu. Einnig var rafmagnskostnaður á afskriftartíma
    framkvæmdarinnar, sem ákveðinn var tíu ár, tekinn inn í forathugunina.
    Möguleikar á stækkun eru vel fyrir hendi hvað varðar nægilegt vatn, en
    framrásarhiti vatnsins verður í lægra lagi í sumum tilvikum. Nákvæmt
    hagkvæmnismat er vart hægt að gera fyrr en rekstrarfyrirkomulag nýju
    hitaveitunnar hefur ákveðið hvort myndað verði nýtt sameignarfélag um
    reksturinn eða hvort gömlu veiturnar selji nýjum aðilum vatn.
    Lykilorð: Hitaveita, jarðhitanýting, forathugun, umhverfisáhrif, Mývatnssveit

Description: 
  • is Verkefnið er opið nemendum og starfsfólki Háskólans á Akureyri
Accepted: 
  • Jan 1, 2007
URI: 
  • http://hdl.handle.net/1946/821


Files in This Item:
Filename Size VisibilityDescriptionFormat 
Efnisyfirlit..pdf30.01 kBOpenForathugun - efnisyfirlitPDFView/Open
Forathugun..pdf1.82 MBMembersForathugun - heildPDF
Heimildaskrá..pdf43.37 kBOpenForathugun - heimildaskráPDFView/Open
Útdráttur..pdf19 kBOpenForathugun - útdrátturPDFView/Open