Fjármál heimilanna. Sjálfvirk færsluflokkun, neyslugreining og gagnanám

Abstract

Í þessari ritgerð er neysla heimila sem tengd eru heimilisfjármálavefnum Meniga greind. Í Meniga eru færslur af veltu-, spari- og greiðslukortareikningum uppfærðar sjálfkrafa og þar með skapast forsendur fyrir greiningu á þróun neyslu og neysluvenja í rauntíma.Gagnaóvissa er nokkur því ekki er gerð krafa til þess að tengd heimili séu með öll sín fjármál inni í kerfinu. Settar eru fram forsendur til að auka líkur á því að verið sé að vinna með raunhæfan heimilisrekstur og að því loknu standa 19% heimila eftir eða 1381 heimili til frekari greiningar.Neyslugreining leiðir í ljós að útgjöld heimila eru að aukast milli ára 2009 og 2010 og eru útgjöld í flokkum eins og skemmtanir og áhugamál og frí og ferðalög að aukast. Útborguð laun heimilanna eru ekki að aukast að ráði og til að standa undir auknum útgjöldum virðast heimilin vera að leita í varasjóði.Gagnanám til að finna hugsanlegt samband milli neysluvenja og fjáramálalegrar hegðunar skilar ekki afgerandi niðurstöðum og er þörf á frekari rannsóknum á því efni.