„Kvenfangaverðir vilja vera nákvæmari.“ Aðkoma kvenna að fangavarðastarfinu

Abstract

Konur fremja um 10-20% af öllum abrotum á Íslandi. Erlendis er hlutfall kvenna í heimi afbrota einnig lágt en þó engu að síður nauðsynlegt rannsóknarefni. Í þessari ritgerð er fjallað um stimplunarkenninguna, konur í afbrotum og sem fangaverðir, einnig er fjallað um uppruna fangelsa bæði hérlendis og erlendis. Loks er sér kafli um uppruna kvennafangelsa. Gerð er grein fyrir stimplunarkenningunni, áhrifum og afleiðingum hennar, en það hefur sýnt sig að afleiðingar stimplunar eru umfangsmiklar og oftar neikvæðar en jákvæðar. Auk þess sýna niðurstöður að stimplun er konum þungbærari en körlum og er erfiðast fyrir konur að vera stimplaðar sem óhæfar mæður. Einnig er fjallað um konur í afbrotum, þá félagslegu þætti, sem mögulega hafa áhrif á afbrotatíðni kvenna og hvernig refsivörslukerfið tekur mismunandi á konum og körlum. Janframt er vikið að afbrotatíðni kvenna á Íslandi á árunum 1995-2009. Síðast er fjallað um fangaverði, Fangavarðaskólann og þá sérstaklega konur í fangavarðastarfi. Skoðaðar eru tölfræðilegar upplýsingar úr rannsókn ásamt munnlegri heimild frá íslenskum kvenfangaverði, sem styðja við niðurstöður um mismunandi viðhorf kvenna og karla til fangavarðstarfsins. Niðurstaða höfundar er sú, að konur hafi jafnframt jákvæðara viðhorf til fanga og endurhæfingar fanga en karlar.