Vor Gott sind eigentlich alle Menschen Berliner. Welt- und Regierungsstadt Berlin als Landeskundeansatz im isländischen DaF-Unterricht

Abstract

„Landeskunde“ er grein innan þýskukennslu sem byggir á þáttum úr landafræði og samfélagsfræði hinna þýskumælandi landa. Í þessari ritgerð eru settar fram hugmyndir og dæmi um það hvaða hlutverki heimsborgin Berlín, sem jafnframt er höfuðborg Þýskalands og því aðsetur þingsins, gæti gegnt í þesskonar kennslu hér á Íslandi.Í upphafi ritgerðinnar er fagið „Deutsch als Fremsprache“ eða „þýska sem erlent mál“ tekið til umfjöllunar sem og þær kennslufræðilegu aðferðir sem hafa tíðkast í tungumálakennslu frá því á seinni hluta 19. aldar. Einnig er greint frá því hvernig þýskukennslu er háttað í framhaldsskólum hér á landi og að hvaða námsmarkmiðum stefnt er með henni.Í öðrum hluta ritgerðinnar er hugtakið „Landeskunde“ skilgreint og skýrt frá þeirri þróun sem átt hefur sér stað síðustu áratugina innan þessarar tilteknu undirgreinar þýskunámsins. Tekin eru fyrir viðfangsefni hennar sem og þær ólíku námsaðstæður sem hún býður upp á.Í þriðja hlutanum er Berlín sem uppistaða í námsefnisgerð kynnt til sögunnar. Byrjað er á að ákvarða markhóp námsefnisins, síðan er kynnt hvað Berlín hefur upp á bjóða og loks eru settar fram hugmyndir að verkefnum og æfingum sem skipt er niður í kafla eftir þeim færniþáttum sem þau eiga að þjálfa, en það eru hlustun, tal, ritun og lestur auk málfræði.Að lokum eru sett fram nokkur dæmi um verkefni og æfingar sem byggja á öllum færniþáttunum, mismunandi nálgunum að kennslufræði, opinberum markmiðum þýskukennslu á Íslandi og síðast en ekki síst á heimsborginni Berlín og sögu hennar, mannlífi, menningu og samfélagi.