en English is Íslenska

Thesis University of Iceland > Verkfræði- og náttúruvísindasvið > B.S. verkefni - Verkfræði- og náttúruvísindasvið >

Please use this identifier to cite or link to this item: http://hdl.handle.net/1946/8511

Title: 
  • Title is in Icelandic Skjaldborg. Hátíð íslenskra heimildamynda
Submitted: 
  • May 2011
Abstract: 
  • Abstract is in Icelandic

    Viðburðatengd ferðaþjónusta er ung grein ferðaþjónustunnar og lítt rannsökuð hér á landi. Viðburðir flokkast þó að stórum hluta undir menningartengda ferðaþjónustu. Í fræðilegri umfjöllun verður fjallað um menningartengda ferðaþjónustu í samræmi við landsvæðið sem um ræðir. Í rannsókn þessari er horft sérstaklega til skipulags- og undirbúningsferlis smáviðburða á landsbyggðinni. Rannsóknin var gerð með tilliti til heimildamyndahátíðarinnar Skjaldborgar sem haldin er á Patreksfirði ár hvert. Hátíðin hefur verið haldin fjórum sinnum og er enn í stöðugum vexti. Rannsóknin var unnin með eigindlegum rannsóknaraðferðum þar sem hálfstöðluð viðtöl voru tekin við aðstandendur hátíðarinnar. Þeir veittu höfundi innsýn í störf sín við hátíðina. Skjaldborgarhátíðin er áhugavert rannsóknarefni að því leyti að hún er ung, ennþá í þróun og er skipulögð og undirbúin af aðilum í mikilli fjarlægð hver frá öðrum. Auk þess hefur þetta svið ferðaþjónustu og viðburðastjórnunar verið lítið rannsakað hérlendis. Markmið rannsóknarinnar er að sýna fram á hvernig skipulag og undirbúningur smáviðburða fer fram og til stuðnings er notast við fræðilegt efni því tengt. Niðurstöður rannsóknarinnar sýndu fram á að almennur undirbúningur, skipulag og verkaskipting skipta mun meira máli en eiginleg markaðssetning. Í niðurstöðum kom einnig fram hvað Patreksfjörður hefur upp á að bjóða sem gerir staðinn hentugan fyrir hátíð af þessu tagi. Fram kemur að aðstaða fyrir gesti er takmörkuð en tillögur höfundar og hugmyndir aðstandenda um úrbætur verða lagðar fram. Einnig verða settar fram hugmyndir höfundar og vangaveltur varðandi hátíðina í samanburði við aðra viðburði af sambærilegri stærðargráðu.
    Lykilhugtök: Menningartengd ferðaþjónusta, viðburðatengd ferðaþjónusta, viðburðastjórnun, kvikmyndahátíð.

Accepted: 
  • May 16, 2011
URI: 
  • http://hdl.handle.net/1946/8511


Files in This Item:
Filename Size VisibilityDescriptionFormat 
BS_final.pdf1.11 MBOpenHeildartextiPDFView/Open