Munur á viðhorfi viðskiptafræðinema og listaskólanema til tónlistar

Abstract

Í greininni verður fjallað um viðhorfsmun viðskiptafræðinema og listaháskólanema til tónlistar. Viðhorfskönnun var lögð fyrir nemendur á 1. og 2. ári í Háskóla Íslands og á 1. og 2. ári í Listaháskólanum og þeir beðnir um að taka afstöðu til fullyrðinga um tónlist. Fullyrðingarnar byggðu á rannsókn sem sýndi að grundvallar skilningur á gæðum í tónlist er ólíkur eftir því hvort áhersla tónlistarútgáfu er á listrænan hluta tónlistarútgáfu eða viðskiptahlutann. Þessi munur er tengdur þeim tveimur fagskoðanakerfum, sem til staðar eru í tónlistarútgáfu, þ.e. listræna skoðanakerfinu og viðskiptaskoðanakerfinu, en bæði þurfa að vera til staðar í rekstri tónlistarútgáfu. Fagskoðanakerfi verða meðal annars til við fagmenntun svo sem listmenntun og menntun í viðskiptafærði. Viðhorfskönnunin sýnir fram á að svipuð aðgreining á hvað séu gæði og fram kemur í tónlistarútgáfu á einnig við á neyslu hliðinni, það er vali á tónlist til hlustunar. Nemendur í annars vegar listanámi og hins vegar viðskiptafræðinámi hafa ólík viðhorf til tónlistar.