Girt fyrir gagnrýni, að koma hnakka í gegnum jólabókaflóð

Abstract

Þessi greinargerð, lokaverkefni í Hagnýtri ritstjórn og útgáfu, fjallar um hið margslungna verkefni og víðtæka sem það reyndist að vera ritstjóri Gillzeneggers við gerð bókarinnar Lífsleikni Gillz án þess að ætlunin sé að fara í alla þá sauma. Fyrirbærið Gillzenegger, sem ber öll einkenni þess að vera póstmódernískt íkon, eða tákngervingur hins póstmóderníska ástands, er skoðað sérstaklega, komið er inná hvernig er að fást við frjálslegt tungutak Gillzeneggers þannig að það sé sjálfu sér samkvæmt og gangi innan hins íslenska málkerfis og það að honum hættir til að fara fram úr sjálfum sér. Þá er sagt af tilraunum til að búa hann vopnum og verjum til að vaða í gegnum væntanlega brimskafla óvinsamlegra afla meðal menningarskríbenta en þar er komið inn á markaðssetningu: Að koma hnakka í gegnum jólabókaflóð. (Í Viðauka iii er bókin sjálf – Lífsleikni Gillz – meginefni rannsóknarverkefnisins.)