is Íslenska en English

Lokaverkefni Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8768

Titill: 
  • Öryggishegðun íslenskra Facebook-notenda
Skilað: 
  • Júní 2011
Útdráttur: 
  • Tengslanetasíður á borð við Facebook eru ört vaxandi samskiptavettvangur. Notendur gefa upp mikið magn persónuupplýsinga sem utanaðkomandi aðilar geta misnotað með ýmsum hætti. Athuganir benda til þess að notendur séu ómeðvitaðir um þessar hættur, og sýni takmarkaða öryggishegðun í notkun sinni á Facebook. Gerð var rannsókn til að kortleggja öryggishegðun íslenskra Facebook-notenda. Þátttakendur voru 245 íslenskir Facebook-notendur. Lagt var upp með 6 rannsóknartilgátur: (T1) Uppgefið magn persónuupplýsinga hefur jákvæða fylgni við öryggishegðun, (T2) mat þátttakenda á eigin netöryggi hefur neikvæða fylgni við öryggishegðun, (T3) bein reynsla þátttakenda af netógn hefur jákvæða fylgni við öryggishegðun, (T4) óbein reynsla þátttakenda af netógn hefur jákvæða fylgni við öryggishegðun, (T5) almenn tilhneiging þátttakenda til trausts hefur neikvæða fylgni við öryggishegðun, og (T6) Reynsla af notkun Facebook hefur jákvæða fylgni við öryggishegðun. Tilgátur fengu ekki stuðning í niðurstöðum. Fram kom að uppgefið magn persónuupplýsinga hafði neikvætt samband við öryggishegðun, og að mat þátttakenda á eigin netöryggi hafði jákvætt samband við öryggishegðun. Athugasemdir þátttakenda gáfu til kynna að þátttaka í könnuninni hefði stuðlað að bættu netöryggi hjá þeim, sem gæti haft þýðingu fyrir forvarnar- og fræðslustarf.

Samþykkt: 
  • 26.5.2011
URI: 
  • http://hdl.handle.net/1946/8768


Skrár
Skráarnafn Stærð AðgangurLýsingSkráartegund 
Öryggishegðun íslenskra Facebook-notenda.pdf569.04 kBOpinnHeildartextiPDFSkoða/Opna