Greining á endurræsingu kerskála 3 í kjölfar straumleysis 2006 hjá Alcan á Íslandi

Abstract

Þessi ritgerð fjallar um sérstaka aðferð við endurgangsetningu rafgreiningarkera sem notuð eru við álframleiðslu hjá Alcan á Íslandi, svokallaða kaldstartsaðferð (en. crash start method). Árið 2006 tók Alcan á Íslandi þá ákvörðun að beita þessari aðferð. Notast verður við gögn frá þeim tíma til að greina áhrif og kostnað aðferðarinnar. Kostnaðurinn er síðan borinn saman við skilgreinda verkferla fyrir endurgagnsetningu. Við gerð ritgerðarinnar var leitast eftir að taka saman kostnað við beitingu aðferðarinnar þar sem vart var stór aukningar kerleka eftir kaldstartið og því áhugi fyrir því að kanna kostnað við framkvæmdina nánar.Kostnaður við framkvæmdina ásamt kostnaði við þróun í rekstri eftir framkvæmdina er skoðaður. Í kjölfarið er kostnaðurinn borinn saman við kostnaðinn af þeirri innanhús aðferð sem stóð til boða. Niðurstaðan er sú að kaldstartið er hagkvæmari aðferð með þeim forsendum sem koma fram í ritgerðinni og er það framleiðslutapið sem ræður úrslitum.