Minnismóttakan á Landakoti: Frammistaða heilbrigðra á taugasálfræðilegum prófum

Abstract

Í þessari rannsókn voru unnin drög að viðmiðum fyrir taugasálfræðileg próf sem notuð eru á minnismóttöku Landakots en engin íslensk viðmið hafa verið til fyrir þessi próf. Þátttakendur voru 93; 56 konur og 37 karlar (meðalaldur= 71 ár). Allir höfðu verið rannsakaðir vegna kvartana um minnistap en ekki greinst með heilabilun eftir viðamikið greiningarferli og ekki komið aftur vegna sömu kvartana. Eftir að viðmiðin höfðu verið unnin voru þau borin saman við erlend viðmið þar sem við átti. Niðurstöður leiddu í ljós að viðmiðin samræmdust vel erlendum viðmiðum fyrir sömu próf. Þessi rannsókn verður vonandi góður grunnur fyrir áframhaldandi söfnun íslenskra viðmiða fyrir taugasálfræðileg próf. Viðmiðunarrannsóknir eru mikilvægar fyrir klínískt starf og vilja rannsakendur hvetja til frekari rannsókna á þessu sviði.