Námsmat í íþróttum

Abstract

Þessi ritgerð fjallar um námsmat. Og sérstaklega námsmat í íþróttum. Ég hef verið að velta fyrir mér hvort nemandi, sem fær ákveðna tölu á einkunnarspjaldið sitt í íþróttum, átti sig á hvað liggi þar til grundvallar. Foreldrar og nemendurnir hafa rétt á að vita hvað felst á bak við þessa einu tölu. Spurningin sem reynt verður að svara í ritgerðinni er, hvort íþróttakennarar geta gert eitthvað til að gera námsmatinu betri skil. Í ritgerðinni er fjallað um það hve mikilvægt er að vera með fjölbreytt námsmat, mikilvægi þess að nemendum séu kynntar þær aðferðir sem notaðar eru, framkvæmd námsmats og að hverju þarf að huga áður en mismunandi aðferðum við námsmat er beitt. Þær aðferðir sem eru kynntar eru dagbækur / leiðarbækur nemenda og verkefni (Projects) sem matsaðferð. Þá er einnig fjallað um helstu hjálpartæki þegar beita á sjálfsmati og jafningjamati nemenda sem og frammistöðumat á nemendum sem framkvæmt er með skipulögðum athugunum með matslistum, gátlistum, marklistum og leiðarbókum.