Niðurskurður í íslenskri kvikmyndagerð

Abstract

Staða íslenskrar kvikmyndagerðar er á hálum ís og óljóst er með framtíð geirans hér á landi vegna mikilla niðurskurða í kjölfar efnahagshrunsins 2008. Íslenskir kvikmyndagerðarmenn og starfsfólk tengt kvikmyndaiðnaðnum á Íslandi hafa opinberlega tjáð óánægju sína á 35% skerðingu fjárframlaga ríkisins til íslenskrar kvikmyndagerðar. Kvikmyndagerðarmenn halda því fram að íslenska ríkið sé í raun að tapa til lengri tíma litið á þessum umdeilda niðurskurði íslenskra stjórnvalda.Í ritgerðinni er litið er á menningarlegt gildi íslenskrar kvikmyndagerðar út frá hagfræðilegum sjónarmiðum. Einnig er rannsakað hvort fyrstu viðbrögð íslenskra kvikmyndagerðarmanna, við aðgerðum ríkisins, séu í samræmi við þann samdrátt, sem þeir óttuðust að yrði í kvikmyndaiðnaðnum. Í því sambandi er litið til áhrifa íslenskra kvikmyndaiðnaðarins á þjóðarhag, með tilliti til menningarlegra og fjárhagslegra þátta.Þetta er rannsókn byggð á reynslu og athugun, yfirliti og úttekt. Rannsakandi byggir rannsóknina á reynslu og vitnisburðum fólks sem vinnur í íslenska kvikmyndaiðnaðnum, ásamt fyrirliggjandi gögnum.Með svo harkalegum niðurskurði á fjárframlögum til kvikmyndagerðar lítur út fyrir að íslensk stjórnvöld hafi tekið nokkuð vanhugsaða skyndiákvörðun. Ákvörðunin umdeilda virðist ekki hafa verið hin besta úrlausn stjórnvalda og nú stefnir í að niðurskurðurinn verði leiðréttur smám saman á komandi árum eða samhliða því að fleiri rannsóknir um málið verði gerðar.