en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/9046

Title: 
  • Title is in Icelandic Rekstur 10 stærstu sérsambandanna innan ÍSÍ : samanburður á rekstrargrundvelli sambandanna
Authors: 
Submitted: 
  • May 2011
Abstract: 
  • Abstract is in Icelandic

    Íþróttir skipa stóran sess í lífi margra hér á landi. Hvort heldur sem um er að ræða iðkanda, áhorfanda eða foreldra þá er það alveg ljóst að stór hluti þjóðarinnar tekur þátt í því starfi sem sérsamböndin standa fyrir á einn eða annan hátt. Árið 2009 voru 112.366 iðkendur skráðir í sérsamböndin. Mikið og gott starf er unnið hjá sérsamböndun og því nauðsynlegt að þau geti haldið sýnu starfi áfram með þeim gæðum sem við Íslendingar erum orðin vön. Á meðal þess sem sérsamböndin standa að er ansi viðamikið mótahald sem fram fer innan sambandanna auk þess sem landsliðsfólk Íslands er á ferð og flugi út um allan heima að keppa fyrir hönd sinnar þjóðar.
    Samböndin sitja ekki öll við sama borð og hafa misgóðan aðgang að fjármögnun auk þess sem iðkendafjöldinn er mismikill sem og vinsældir íþróttarinnar. Það er því miður þannig að þeir styrkir sem íslenska ríkið innir af hendi til sérsambandanna eru af afar skornum skammti og ljóst að þeir duga skammt þegar kemur að rekstri þeirra. Af þeim völdum hafa samböndin því ekki getað stutt eins vel við sitt íþróttafólk og nauðsynlegt er. Það er ekki hægt að segja að þessi staða sé afleiðing kreppunnar þar sem hún var sú sama hjá mörgum samböndum fyrir hrun. Staðan hefur ekki batnað eftir hrun og hafa samböndin þurft að draga úr sinni starfsemi með einum eða öðrum hætti.
    Þegar opinberar styrkveitingar til íþróttamála eru skoðaðar þá bera sérsamböndin skertan hlut frá borði. Íþrótta og Ólympíusamband Íslands fær ekki næga fjárveitingu frá ríkinu til þess að styrkja stoðir sérsambandanna og því eru þær tekjur sem koma frá Íslenskri Getspá mikilvægar þó þær séu í raun ekki háar. Samanburður á samböndunum, sérstaklega þeim sem fjallað er um í þessari skýrslu er erfiður og þau að mörgu leyti mjög ólík. Í nokkrum atriðum er þó lík og þar er svigrúm til að vinna saman og styrkja þannig stoðir þeirra.
    Lykilorð: Sérsamband, styrkveitingar, íþróttir, ríkisstyrkir, samanburður.

Description: 
  • Description is in Icelandic Verkefnið er lokað
Accepted: 
  • Jun 7, 2011
URI: 
  • http://hdl.handle.net/1946/9046


Files in This Item:
Filename Size VisibilityDescriptionFormat 
Rekstur 10 stærstu sérsambandanna innan ÍSÍ.pdf7.37 MBLockedForsíðaPDF