Nýja Ísland. Listin að týna sjálfum sér

Abstract

Í umsögn gagnrýnanda kemur meðal annars eftirfarandi fram: "Bók Guðmundar er skemmtileg. Hún er ágætt innlegg í mun dýpri umræðu sem þarf að fara fram um þróun íslensks samfélags áundanförnum árum og í framtíðinni, sérstaklega í ljósi þess áfalls sem riðið hefur yfir þjóðina síðan bókin kom út... Þrátt fyrir að það sé hárrétt hjá Guðmundi að margt hafi misfarist á nýja Íslandi og græðgi, sérgæska og fyrirhyggjuleysi geti, eins og komið hefur á daginn, steypt þjóðinni í mikil vandræði stenst umfjöllunin um hin mikla mun milli gamla og nýja Íslands ekki nánari skoðun. Hanndregur upp of jákvæða mynd af því gamla og neikvæða af því nýja. ...Hann dregur fram mörg dæmi um óhóflega eyðslu auðmanna og hvernig þeir féllu kylliflatir í gryfju broslegs hégóma. ...Þessi hluti bókarinnar er athyglisverður og skemmtilegur og gerir hana fyllilega þess virði að lesa hana."