Handbók fyrir leiðtoga : hreyfingar- og heilsudagskrá fyrir leikjanámskeið KFUM & KFUK

Abstract

Lokaverkefnið mitt er tvíþætt, annars vegar er um að ræða handbók fyrir leiðtoga leikjanámskeiða KFUM & KFUK og hins vegar greinargerð sem er fræðileg dýpkun á efni handbókarinnar. Í handbókinni eru ráðleggingar fyrir leiðtoga varðandi starfið og hugmyndir að því hvernig hægt er að auka hreyfingu og gildi leikjanámskeiðanna.Rannsóknarspurningin sem lagt var upp með hljóðaði svo: „Hvernig geta leiðtogar átt góðsamskipti við börn og aukið hreyfingu þeirra á leikjanámskeiðum KFUM & KFUK?“ Tilgátan er sú að það sé mögulegt með því að gera handbók fyrir leiðtoga leikjanámskeiðanna með áherslu á heilsu og hreyfingardagskrá. Handbókin tekur fyrir ýmsar upplýsingar og ráðleggingar um hvernig auka megi hreyfingu barna til dæmis með leikjum. En einnig er lögð áhersla á hversu mikilvæg samskipti leiðtoga við börnin eru og hvað hægt sé að gera til að styrkja tengsl þeirra á milli.