Stalín ungi. Saga Josefs Vissarionovits Djúgasvili frá æsku til 1917

Abstract

Í umsögn gagnrýnanda kemur meðal annars eftirfarandi fram: "Bókin er skrifuð af fádæma nákvæmni, enda hafa fáir Vesturlandabúar komist í jafnáhugaverð gögn austur í Rússlandi og Georgíu og höfundurinn. Hann nær jafnvel í skottið á háöldruðu fólki sem þekkti fjölskyldu Stalíns, t.d. frænku fyrstu eiginkonu hans. Lýsingin á uppvexti Stalíns, ungum rómantískum ljóðelskum guðfræðinema í Alexandrovskij seminarinu í Tbilisi er ótrúlega lifandi. […] Friðrik heitinn Þórðarson prófessor í Osló,einn fárra Vesturlandabúa sem talaði ossetísku og ritaði málfræði fyrir nútímamálið, taldi að Vissarion hafi verið af Dsjúga-ættinni sem er þekkt meðal Osseta. Þegar þeir fóru yfir landamærin sem voru raunar óljós, til að vinna við ávaxtatínslu, þá georgíseruðu þeir gjarnan nöfn sín og Dsjúga varð þannig Dsjúgasvíli. Hann taldi ótvírætt að Iosef Vissarionavits Dsjúga hafi verið hálfur Osseti."