Er nauðsynlegt að hafa verið hestur áður en maður verður knapi? Áhrif leikmannaferils á þjálfara

Abstract

Tilgangur verkefnisins var að rannsaka mikilvægi leikmannaferils hjá þjálfara. Hversu mikilvægt er fyrir þjálfara að eiga farsælan leikmannaferil að baki? Hversu mikla eða litla trú hafa leikmenn á þjálfara hafi þeir vitað að hann hafi ekki leikið á háu stigi? Telja þjálfarar að leikmenn hafi mikla eða litla trú á þjálfara hafi þeir vitað að hann hafi ekki leikið á háu stigi? Hvaða þættir eru mikilvægastir í fari þjálfara? Hvaða þætti telja leikmenn mikilvægasta? Hvaða þætti telja þjálfarar mikilvægasta? Niðurstöður rannsóknarinnar sýndu fram á að leikmönnum í efstu og 1. deild karla þykir mikilvægt að þjálfarar hafi átt farsælan leikmannaferil, leikið á háu stigi. Leikmenn hafa hvorki mikla né litla trú á þjálfara, viti þeir að hann hafi ekki verið góður leikmaður á sínum keppnisferli. Þau fjögur atriði sem leikmenn telja mikilvægust í fari þjálfara eru agi, samskipti, skipulag og þekking. Þjálfarar nefndu sömu fjögur atriðin. Niðurstöður sýndu fram á að viðhorf þjálfara gagnvart leikmannaferils þjálfara virðist fara eftir því hvort þjálfarar hafi sjálfir átt leikmannaferil á háu stigi. Svipaðar niðurstöður mátti sjá þegar þjálfarar voru spurðir hversu mikið þeir töldu að leikmannaferill þjálfara skipti leikmenn.